طلع إشاعة على العضو اللي قبلك

من طرف زائر 2009-09-01, 13:55

مرحبا يا حلوين
عندي ليكم خوش لعبة...يعني اللي ماسك لسانه طول شهر رمضان
هدي فرصته يخرط>>كذبة بيضا يعني
خليكم ابضايات وماحد يزعل اوكي
فكرة اللعبة ..
كل عضو يدخل يطلع اشاعة على العضو اللي قبله
مثلا
اني كتبت الموضوع...>>>>يا مسكينة
اول عضو/ة,,,,,يرد بعدي عنده صلاحية إنه يطلع اشاعة عليي :s54:
ها شرايكم...وناسة مو! :t7:

من طرف جـــود 2009-09-01, 14:22

ههههههه
اي واجد وناااسة

انزين..اول شي دريتوا إن توأم القمر عندها أخو توأم
واثنينهم أسماءهم بحرف الميم :t7:

يلا تلطّفوا..وكونوا حليوين..شوي شوي عليي
:51:
ألف تحية
:c54:

من طرف شريطة 2009-09-02, 00:36

اهلاً اهلاً

مادريتون إن الأخت جــود متزوجه وعندها ولدين

مشكورة خيتوا توأم القمر

تحيتي

من طرف ROX 2009-09-02, 10:23

ماتدرون إن شريطة الظريفة عندها فنادق في نيويورك بذاك الحساب وقمة الفخامة,,
واحنا قاصة علينا بهالفندقين الزحمة اللي سكنتنا فيهم>>كل يوم والثاني قاطعة الكهرباء وأنا أقول مسكينة فقيرة الله
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ثانكس توأم القمر على هالفكرة اللطيفة
تحياتي
ROX :shades:

من طرف جـــود 2009-09-02, 13:46

ههههه

روكس سمعت من قبل يومين انك تفحّط وصادوك الشرطة وشلّخوك تنتيفاً لن تنساه
صحيح؟

ألف تحية
:t7:

من طرف زائر 2009-09-02, 15:04

ههههههه....حلوة
جود..وش دراش!؟ لا يكون تشتغلي ويه المباحث
مبروك شريطة..اجل صرتي خالة
ROX..واني اقول ليش كلما بقوم من السرير اشوف الدنيا ظلمة..على بالي احلم وارجع اكمل نوم
جود..اخاف انتين دازنتهم عليه تنتقمي لشريطة من الاشاعة اللي طلعها عليها!!

من طرف شريطة 2009-09-03, 09:56

توأم ياحظي ماحطيتين إشاعة على جـــووود
وترى أني خالة من زمان :nh7:
أدري ويش قصدش
تحيتي

من طرف زائر 2009-09-03, 10:09

ههههههههههه...لا اني بس بتابع ردودكم وباعقب عليها
بس ادا استدعى الامر..ليش لأ!!
نحط اشاعات خخخخخ

من طرف شريطة 2009-09-04, 04:37

آها آها ،، قولي انش متوهقة :smil105:

والله التفكير بإشاعة يبغى له وقت :smil106:

ترى اني أدري عنش أمس نمتي عن الصلاة وتالي صليتي 4 صلوات جمعاً

تحيتي

من طرف زائر 2009-09-04, 09:55

وش اسوي لش وصيتش تنبهيني وما نبهتيني
اتاريش قاعدة تخيطي كيس ناصفة كشوخي زيش..اكيد بتنسيني

من طرف جـــود 2009-09-04, 11:05

يقولوا توأم القمر
شافوها اللعام لابسة بخنق ونعال زنّوبة

وقاعدة تناصف ويا الجهال

ألف تحية

من طرف **نـــوَاره** 2009-09-05, 04:39

هههههههههههههههههههه
للاسف حاولت اطلع اشاعه بس ما عرفت
شوين زين قعدت اخرف ليي بس مافي امل>>> فهمتوا شي
ما فييي فايده
ما اعرف اكذب
اللهم اني صائم
:l96:

من طرف زائر 2009-09-05, 12:42

افااااااااا يا جود ,, كنت متخفية عنش احاول اسوي تمويه لا تكشفيني :mn9:
بس طلعتي ذكية ما تفوتش هالسوالف

من طرف جـــود 2009-09-05, 13:25

مقبولة منش يانـوّارة..أمسحها في وجهي خلاص :sfh8:
يعني احنا نعرف نكذب
توأم !!!
فشلتي أفغانستان..اللي يسوي تمويه ينخش ورى جهال أقصر منه!

الموووووهم..
كأنه محد رد له؟
يعني الحين اللي بعدي يطلّع اشاعة عليي! مااختلفنا

ألف تحية

من طرف زائر 2009-09-05, 14:08

ههههههههههههههههههههه......
لا يا حضي...ادا دخلو نسوان انفلت وياهم بسرعة وحطيت حلاوة في بوزي وغنيت ناصفااااه
فكروني من الاطفال العمالقة...

من طرف شريطة 2009-09-06, 08:27

احين اني على من أطلعها

توأم القمر أمس طابة على بيت جيراننا وبايقة السلندر حقهم

تحيتي

من طرف زائر 2009-09-07, 10:32

:happydance: شريطونة الشيطونة بسميش
لاتسيئي الظن فيي..قولي تسلفته عشان اسوي كيكة للضيوف :sfh8: ..
استحيت اتسلف سلندركم...خلاص توووبة المرة الجاية بعطيش الطبق وانتين اطبخيه :t7:

من طرف جـــود 2009-09-08, 12:00

ههههههههههههه

انزين شريطة سمعت انش مسوية عملية تجميل في صبعش الصغير اللي في ايدش اليسار

لاويه ؟

لاوييييييه تلعبي بخلقة ربش؟

ألف تحية
:rose:

من طرف زائر 2009-09-11, 20:21

هههههههههه مسكينة كله منش تلعبي عليها تعقدت البونية
سمعت من مصادر غير موثوقة...
ان جود طلعت الحديقة وعبت الارض ماي و صابون..عشان شريطة لما تطلع تتسمع تطب علينا
صحيح هالكلام؟

من طرف ROX 2009-09-12, 06:39

هههههههههههههههه

متابع,,,
استمروا
تحياتي
ROX

من طرف زائر 2009-09-12, 14:40

ها روكس...تو ما نورت الساحة
كنك تقرأ افكاري...توني امس اقول وش فيه رد مرة وما رجع..عفر الموضوع ما عجبه
يالله خيو ورينا شطارتك في الاشاعات>>>تبغى تعلمك الخراط
اجل جاي تضحك علينا وتفلح...ماعليه اني اوريك

من طرف جـــود 2009-09-14, 13:47

ياخرااااااااشّي

أرد على من؟

امممممممممم

يقولوا توأم القمر راحت تتعلم السباحة وغرقت وتالي أنقذوها وشلّخت المدرّبة

من طرف زائر 2009-09-14, 19:25

بس غرقتها؟؟اجل الخبر وصلش ناقص ...
الا صار وجهها بيتزا...
كل الوان الضربات فيه >>>نفسي في بيتزا ومالقيت غير هالتشبيه
ياروووووووح ما بعدش رووووووووح...
.............................
يقولو جود الحلوة ...طلعت البارحة تتسوق ...ولما عصبت ما لقت ثياب للعيد
قعدت في عربة وخلت اختها تدفها بسرعة وهي تنفلت لآخر المحل
بشري خيتووو اهم شي وجهش ما صار بيتزا يوم دعمتي الثياب؟

من طرف **ام زهراء** 2009-09-14, 22:42

موضوع حلو..توني اشوفه
يقولوا توام القمر عندها عزومه!!!!
اقول ليش ماعزمتينا؟ولا جبتي لينا شي حتى لو بركه؟
بخيله

من طرف زائر 2009-09-14, 23:00

هههههههههههههههه..حياش خيتوو ام زهووور
اجل السواق ضيع بيتكم..عطيته اكياس الاكل ولستة بأسماء البيوت
خلاص بنجيب لش حصتش وفوقهم بعد صينية حلا..ولا تزعلي

من طرف **ام زهراء** 2009-09-14, 23:10

يالله احب الحلى مرررره
مادريتوا؟
يقولوا إن توأم القمر كانت مشتركه بمنتدى ثاني
وإنها سوت ليهم مسابقه وبعدين غشت وعطت الجائزه الإولى لصديقتها..بعدين اكتشفوها والغوا عضويتها

من طرف جـــود 2009-09-15, 00:11

هاااااااهههههههههه

صحيح توأم؟

يقولوا ام زهراء أكلت نص المخدة وهي نايمة..ويوم قعدت قالت حلمانة تاكل جح

بيباي

من طرف زائر 2009-09-15, 01:17

ههههههههههههه...كل هدا مسوى ما تسحرت
جود جاية تغطي على اللي صار ليها البارحة....
غسلت اسنانها ومن النعس راحت انخشت في سرير ختها..ما كفاها بعد محتلتنه
عطتها رفسة طيرتها عند الباب>>>عندها الحزام الاسود في الكراتيه

من طرف **مهند8** 2009-09-17, 12:18

ويش صاير هنا

مقومين العج

يالله متابع الموضوع :roflmao:

انا سمعت ان.......

مهند

من طرف زائر 2009-09-17, 20:47

ها مهند..انت بعد ويه روكس اشوف..تدخل وتضحك علينا...خلاص حسابكم عندي بعدين
سمعت خبر ومضمونه ان....
مهند مستعجل بيطلع بيت صاحبه معزوم عالفطور,,,اول ما وصل عند الأذان فرش سجادته بالمقلوب وصلى
>>>>>بتشعلها بينه وبين صاحبه

من طرف **ام زهراء** 2009-09-18, 13:07

ههههههههههههاي
سمعت إنه توأم القمر..زهقانه حدها من سواقهم وفي النهايه طردته
لأنها اكل الأطباق إللي طبختهم ليي

من طرف شريطة 2009-09-18, 14:36

هههههه

اني قالوا ليي إن أم زهراء البارحة ماطلعت من بيتهم،، قعدت تطالع مسلسلاتها وخلت زهووورة تطبخ وتغسل المواعين بعد

تحيتي

من طرف **مهند8** 2009-09-18, 14:40

شريطه امس مطرشه الي كيك بس للاسف نسيت ما حطت سكر في الكيكه

مهند :ak8:

من طرف **ام زهراء** 2009-09-18, 17:06

شريطة
باشلخش تسمعي
مهند..زين سويت فيها افضحها
خخخ
يقولوا مهند بيروح يخيم في البر...للعيد طبعا..
وقال لخواته مافيه روحه قعدوا في البيت

من طرف زائر 2009-09-18, 20:15

ههههههههههههههههههه
ام زهراء لا تظلميه ,,ترى خايف عليهم من الضبان
يقولو ام زهراء شارية لبنوتتها الحلوة حلاوة...تالي اكلته عنها

من طرف **ام زهراء** 2009-09-19, 00:03

ههههاي
ويش اسوي بعد خايفه على اسنانها
يقولوا توأم القمر...عيدت من زمان
خخ

من طرف جـــود 2009-09-19, 01:19

ههههههه انعدَت من الكوكو اللي في قناة السعودية

أول ناس يعيدوا

يقولوا أم زهراء تبغى تروح الهند سياحة ،بس أبو زهراء خاف تتحول هندية ومارضى

ألف تحية

من طرف **ام زهراء** 2009-09-19, 02:11

خخخخخخخ
حلوه عجبتني..جان قلتي ماليزيا الناس كلها راحت
بس احنا
تدروا إنا جود تتراكض تسوي رياضة لأنها دبه حدها طلع إشاعة على العضو اللي قبلك 263967

من طرف جـــود 2009-09-19, 02:36

هههههههههههه

وتدروا ان أم زهراء لعبت كرة سلة ،وسللوها بدل الكورة؟

من طرف **ام زهراء** 2009-09-19, 03:02

هههههههههههههههههههههههاي
الله يغربلش جود
وش هالخراط
ماني عارفه اشلخ الحين...ضحكتيني